Mohabbat kyun nahi jati!!!

mohabbat kyun nahi jati, meray nadaan sey dil sey
yeh ankhen ab bhi tarsey hen, bus ik deedar ko us key

bhula key hazaron saal; tanha jee liya hoon men
phir bhi yeh kaisi ajab rafaqat hey ab talak us sey

nahi chahta mohabbat ko phir sey palna men ab
janay phir bhi hay ik masoom si shikayat us sey

mujhey meri tanhayon key sath rehnay do
ajab si ik musafat hey, mila dey aaj tu us sey

mohabbat hey bari qatil, bht takleef deti hey
mohabbat sey mohabbat hey, ajab anjan si us sey

mohabbat kyun nahi jati, meray nadaan sey dil sey
yeh ankhen ab bhi tarsey hen, bus ik deedar ko us key

-Aakif Hassan

#love #nolove #cruellove

Memories of Those Nights

its has gone old, that night and the memory
meet me again, lets make new story..

those words of yours, those lines of wishes
that making faces behind the bushes

hiding from people and singing songs for you
then listening for hours, the praising from you

that covering of face by the blanket in winters
that telling bad health while lieing to others

quietly besides your pillow every night
murmuring of your laughs in my ear bite

telling me sleeping rhymes with trembling lips
shivering all night with the sleeping bits

that keeping me awake in long long nights
that happiness on your face turn it brights

but all these stories are ages ago..
meet me again to have another woe... 

Aakhri Raasta

kuch men bhi ro' men behta raha yoonhi
Kuch dhara waqt ka mujhey kaat'ta gaya

thehar thehar key chaltay zara, dono sath rehtay
magar woh sath jeetay jee Maarta gaya

badla Jo kabhi waqt to phir yaad karain gay
kaisay imtehan mohabbat ka haarta gaya

men apni jagah khush, hay woh bhi pur sukoon
yeh hi aik dilasa, Ishq ko dhaanpta gaya

milnay ki ki koshish bht mudat baad bhi
ghanti pay hath, us key ghar ki Kanpta gaya

badal dala tha us nay bhi apna makan aakhir
milnay ka Jo bacha tha, aakhri raasta gaya

ab hay aik adhoori si Bay chaini bhi, tasali bhi
bigaarnay ko baat tha Jo aik raabta gaya

By Aakif Hassan

Discover Yourself

I want you to discover yourself again. to find what matters, what hurts and I want you to be proud of what you've accomplished. I want you to feel no regret, to cure yourself from self-doubt and I want you to remember all the pain everyone has caused, so that you don't carelessly press it against someone else. I want love to find you but not just any kind of love, for you, I want the kind that will keep you up at night, the kind that makes the world stop at your feet and the kind that takes your breath away when you remember to breathe.

I want so many things for you that I don't care about myself, I just want to see you extremely happy. because I know, that somewhere, in that beautiful heart of yours, there is a light trapped within, a certain kind of miracle, a delicate genius that drives you, that makes you.

so please, find it in you to find yourself again. find the courage to find your better days and never lose track of the laughter that's meant to find you.

after all, you are all things that inspire the fire and all things most people cannot understand.

Woh Raton ki Yadain....(English Translation- Those Stories of those Nights)

Woh Raton ki yadain bhi ab hen purani
Phir say millo to banay Ik kahani

Woh batain tumhari , woh zid ki qatarain
Woh Yoon raah chaltay shaklain banani

Sunana woh naghme chup chup k tum ko
Phir tareef sun'na tumhari zubani

Woh sardi men kambal men moon ko chupana
Woh auron ko tabyat jhooti batani

Woh khamoshi say apnay sarhanay
Kanon men meray hansi gudgudani

Thitartay labon say Yoon Lori sunani
Sotay huey bhi zuban kapkapani

Woh lambi si Raton men mujh ko jagana
Khuabon men apnay khushi timtimani

Yeh sari hen batain lekin purani
Phir say Milo to banay Ik kahani

 

English Translation.....

its has gone old, that night and the memory
meet me again, let make new story..

those words of yours, those lines of wishes
that making faces behind the bushes

hiding from people and singing songs for you
then listening for hours, the praising from you

that covering of face by the blanket in winters
that telling bad health while lieing to others

quietly besides your pillow every night
murmuring of your laughs in my ear bite

telling me sleeping rhymes with trembling lips
shivering all night with the sleeping bits

that keeping me awake in long long nights
that happines on your face turn it brights

but all these stories are ages ago..
meet me again to have another woe...

December aur us key sard hath....

 

December ki thandi Raton men akser
Us key sard hath bara yaad Aatay hen

Lakh bhulaun un lamhon ko barson
Her saal issi mosam men loat Aatay hen

Yakh hawa key woh taiz thapairay
Meray galon pay ab bhi saaz bajatay hen

Woh bhi kerta hoga yaad her barish key sath mujhey
Ya Badal us key ghar say garaj key guzar jatay hen

Sath dekhay humain dunya ko Ik arsa hua
Mohallay wallay humaray qisay ab bhi sunatay hen

Dastaan Yoon to Bari ghamgeen hey judai ki apni
Zamanay walay kahani Bari pur lutf batatey hen

Ku aa jata hay bar bar yeh December!!!
Woh beetay lamhay humain her saal rulatay hen

Ja aey sard maheenay, ab tujh say khaffa hen hum
Siskiyan bhar bhar key Raat bhar khud ko sulatay hen

Chalo tham lo ab bewafa tum garm hath meray
Jhoota hi sahi , Kuch dair tum ko behlatay hen

Kahani mukhtasir her mosam ki buss itni hi hay
Juda ho key bhi hum Kuch dair ko pass Aatay hen

December ki thandi raton men akser
Us key sard hath bara yaad Aatay hen.. bara yaad Aatay hen

 

Kabhi Pyaar Na Kerta....

Zamanay bhar nay thukraya Meri sachi mohabbat ko
jo khushnaseeb hota to; kabhi pyaar na kerta

Yoon to chalti hen dil key sath sansain bhi
Jo rishta dil ka hota to, kabhi izhar na kerta

Khata bus itni si to hay keh men dil laga betha
Zehn gar sath deta to; kabhi iqrar na kerta

Saza tum mujh ko ab dey lo ,keh gunehgar to hoon men
Faisla men jo kerta to; kabhi takrar na kerta

Jalaya khud ko men nay bhi; kissi ki yaad men pinhan
Jo khul key yaad kerta to;kabhi sarshar na kerta

Soda apnay derdon ka ; kiya hay men nay ab khud say
Tu meray pass hota to ; kabhi byopaar na kerta

Men khushnaseeb hota to; kabhi pyaar na kerta
Kabhi pyaar na kerta

~ Aakif hassan

tumhain dekh key woh udaas na ho..

A Dedication of Hope And Happiness after the sad demise of the father of my friend +Mohsin Raza and His Brother

Pyaar bhari kuch ankhon men
khuaab suhanay hotey hen

hasrat bhari in baton men
umeed key jhonkay hotey hen

beshak key hey taqdeeron men
anjaan sey chehray hotey hen

yoon ansoo tap tap girtey hen
kuch log juda jab hotey hen

par tum ab meri baat sunno
din bhar na sahi, ik raat sunno

umeed bhari kuch kirnain hen
her roz sawera kerti hen

khud shayad tanha rehti hen
her dil men basera kerti hen

udas palon ko roz hi woh
muskan men badla kerti hen

aisi hi kiran ik shakhs bhi hay
yoon to woh bara khush bakht bhi hay

do chand sey roshan chehray hen
bina un key woh kuch sard bhi hay

ho key bhi juda is dunya sey
sab ka bara hamdard bhi hay

us aik kiran ki ankhon ko
tum dukh derd ka anjaam na do

umeed ki in tasveeron ko
tum tanhai ka naam na do

woh tum ko dukhi jub dekhay ga
khud phoot phoot key roye ga

beshak key tum yeh nahi chahtey
tumharey liye udaas ho woh

tumhara to dil yeh kehta hey
jahan bhi ho, khush bash ho woh

to dekho meri baat sunno..
umeed ki tum awaz sunno..

in pyari pyari kirnon ko
dil men jagah tum dey dalo

woh derd jo tum pay bhari hey
sab ki in ki wafa pay dey dalo

tum apnay dil key zakhmon ko
in kirnon sey ab bhar dalo

unhain soch key tum udaas na ho
kel koi mushkil paas na ho..

kuch samjho us ki hikmat ko..
kuch samjho us ki fitrat ko...

aisey khushi sey bhar jao..
tumhain dekh key woh udaas na ho..

Doston ki Yaad

kyun yaad dasht sath deti hey itna mera
guzrey huey lamhon ko bhula nahi pata

mana key bht kuch ghalat tha dosti men meri
magar doston ko apnay bura nahi pata

beet gaye hen ab to kayee saal bichrey
phir bhi haseen palon ko mita nahi pata

shayad nikal chuka hoon un key dil sey men kab ka
kyun apney dil sey un ko chura nahi pata

ab to kawishon sey bhi koi umeed nahi hassan
phir bhi seenay sey yadon ko juda nahi pata